फोर्ब्सच्या 2026 च्या भारतातील 100 सर्वात श्रीमंत व्यक्तींच्या यादीत गौतम अदानी तीन वर्षांनंतर पुन्हा पहिल्या क्रमांकावर पोहोचले आहेत. अदानी समूहाचे अध्यक्ष गौतम अदानी आणि त्यांच्या कुटुंबाची एकूण संपत्ती ₹10.85 लाख कोटी (11,270 कोटी डॉलर) इतकी असल्याचा अंदाज आहे. गेल्या वर्षीच्या तुलनेत त्यांच्या संपत्तीत ₹1.99 लाख कोटी (2,070 कोटी डॉलर) वाढ झाली आहे. डॉलरच्या दृष्टीने पाहता, यावर्षी यादीतील सर्वाधिक संपत्ती वाढवणारे उद्योगपतीही तेच ठरले. मात्र त्यांची संपत्ती अद्याप 2022 मधील ₹14.43 लाख कोटी (15,000 कोटी डॉलर) या उच्चांकापेक्षा कमी आहे. रिलायन्स इंडस्ट्रीजचे अध्यक्ष मुकेश अंबानी दुसऱ्या स्थानावर घसरले आहेत. त्यांची संपत्ती ₹1.80 लाख कोटींनी घटून ₹8.3 लाख कोटी राहिली आहे. फोर्ब्सच्या मते, विविध व्यवसायांमधील मार्जिनवरील दबावाचा परिणाम रिलायन्सच्या समभागांवर झाला आहे. चार नवी नावे, अनिल अग्रवाल यांचे पुनरागमन यंदा यादीत 4 नवीन नावांचा समावेश झाला आहे. यामध्ये इंडो-एमआयएमचे कृष्णा चिवुकुला, अपार इंडस्ट्रीजचे कुशल आणि चैतन्य देसाई, आदित्य इन्फोटेकचे आदित्य खेमका आणि बालाजी वेफर्सचे विराणी बंधू यांचा समावेश आहे. कुशल आणि चैतन्य यांची संपत्ती ₹40,898 कोटी, तर आदित्य खेमका यांची कौटुंबिक संपत्ती ₹34,643 कोटी आहे. यंदा रुपया 8.5% आणि शेअर बाजार 9.5% घसरला. तरीही 100 सर्वात श्रीमंत व्यक्तींची एकूण संपत्ती सुमारे ₹96.23 लाख कोटींवर कायम राहिली. यामध्ये अदाणींचा वाटा सुमारे 11.3% आणि अंबानींचा सुमारे 8.6% आहे.
Source link
अदानी 3 वर्षांनंतर पुन्हा देशातील सर्वात श्रीमंत:संपत्ती ₹10.85 लाख कोटी झाली, अंबानींना मागे टाकले; लक्ष्मी मित्तल 12 वरून क्रमांक-4 वर
