नागपुरी गेट पोलिस ठाण्याच्या हद्दीतील असोरिया पेट्रोल पंपासमोर एका ३६ वर्षीय तरुणावर चाकूहल्ला करण्यात आला. त्यानंतर त्याच ठिकाणी हवेत गोळीबारही झाल्याची धक्कादायक घटना घडली. हा प्रकार जुन्या वैमनस्यातून घडल्याचा प्राथमिक अंदाज पोलिसांनी व्यक्त केला आहे. ही घटना शनिवारी (दि. २०) रात्री सुमारे नऊ वाजताच्या सुमारास घडली. शोएब अहमद एजाज अहमद (३६, रा. आझाद कॉलनी, अमरावती) असे जखमी तरुणाचे नाव आहे. या प्रकरणी नागपुरी गेट पोलिसांनी तत्काळ तिघांना ताब्यात घेतले आहे. हल्लेखोर आणि जखमी शोएब यांच्यात यापूर्वीपासून जुना वाद असल्याची माहिती समोर आली आहे. याच वादातून शनिवारी रात्री असोरिया पेट्रोल पंपासमोर हल्लेखोरांनी शोएब अहमद याच्यासोबत वाद घातला. या वादाचे पर्यवसान हाणामारीत झाले. यावेळी हल्लेखोरांनी शोएबच्या पाठीवर चाकूने वार करून त्याला जखमी केले. त्याच दरम्यान घटनास्थळी हवेत गोळीबारही करण्यात आल्याचे समोर आले आहे. घटनेची माहिती मिळताच पोलिस आयुक्त राकेश ओला यांच्यासह डीसीपी शाम घुगे घटनास्थळी दाखल झाले. पोलिसांनी घटनास्थळाची पाहणी करून तेथून रिकामे काडतुस जप्त केले आहेत.
Source link
तरुणावर चाकूहल्ला; हवेत गोळीबार:असोरिया पेट्रोल पंप परिसरातील घटना; जुन्या वादातून हल्ला झाल्याचा संशय
