नागपूर-चंद्रपूर द्रुतगती महामार्गासाठी २.७९ कोटी मेट्रिक टन राखेचा वापर केला जाईल. पूर्व महाराष्ट्रातील चार प्रमुख प्रकल्पांसाठी एकूण ६.१७ कोटी मेट्रिक टन राख वापरण्याचे नियोजन आहे. यापैकी ४५ टक्क्यांहून अधिक राख एकट्या नागपूर-चंद्रपूर महामार्गासाठी असेल. महानिर्मिती आणि महाराष्ट्र राज्य रस्ते विकास महामंडळाने (एमएसआरडीसी) यासाठी सामंजस्य करार केला आहे. ऊर्जा राज्यमंत्री मेघना साकोरे-बोर्डीकर यांच्या उपस्थितीत हा करार झाला. जानेवारी २०२७ ते डिसेंबर २०२८ या काळात राखेचा वापर करण्याचे नियोजन आहे. नागपूर-गोंदिया, भंडारा-गडचिरोली द्रुतगती मार्ग आणि नवेगाव मोरे-सुरजागड खनिज वाहतूक मार्ग हे इतर प्रकल्प आहेत. कोराडी, खापरखेडा, चंद्रपूर येथील औष्णिक विद्युत केंद्रातून राख दिली जाईल. जुन्या राखेचा वापर वाढवून पर्यावरणाचे धोके कमी करणे, तसेच १०० टक्के राख वापरणे हा या कराराचा उद्देश आहे. हा करार ३१ मार्च २०३२ पर्यंत वैध राहील.
Source link
नागपूर-चंद्रपूर महामार्गासाठी 2.79 कोटी टन राख वापरणार:चार प्रकल्पांसाठी महानिर्मिती-एमएसआरडीसीचा करार; 2027 पासून वापर सुरु होईल
