कनिष्ठ महाविद्यालयांच्या ऑनलाईन संचमान्यतेमध्ये प्रचलित निकष न पाळल्याच्या विरोधात शिक्षकांनी २४ जून रोजी आंदोलनाचा निर्णय घेतला आहे. अमरावती येथील शिक्षण उपसंचालक कार्यालयासमोर सकाळी १० वाजता हे आंदोलन सुरू होईल. विज्युक्टा (Vijucta) आणि विदर्भ माध्यमिक शिक्षक महासंघातर्फे हे आंदोलन पुकारण्यात आले आहे. संचमान्यता करताना तात्पुरत्या दुरुस्त्या झाल्या असल्या तरी, ती अजूनही समस्याग्रस्त आणि सुटसुटीत नसल्याचे शिक्षकांचे म्हणणे आहे. यामुळे अनेक शिक्षक सीएचबी (CHB) किंवा अर्धपगारी झाले आहेत. राज्यात हजारो शिक्षक अतिरिक्त होण्याची भीती निर्माण झाली आहे. विषय क्लब करताना त्या विषयातील पदव्युत्तर पदवी नसल्यास नवीन समस्या उद्भवत आहेत. प्रात्यक्षिक आणि स्वाध्यायसाठी विद्यार्थ्यांची संख्या वाढवल्याने शिक्षकांचा कार्यभार कमी होत आहे. तसेच, मुलींची संख्या आणि शिक्षार्थी कपातीची तरतूद असताना ती न पाळल्याने अनेक तुकड्या अनुदानास अपात्र ठरण्याची शक्यता आहे. या सर्व प्रश्नांना न्याय मिळवण्यासाठी हे आंदोलन करण्यात येत आहे, असे विज्युक्टाचे अध्यक्ष डॉ. अविनाश बोर्डे यांनी सांगितले. तात्पुरती मलमपट्टी नको, तर प्रचलित निकषांच्या आधारेच संचमान्यता व्हावी, अशी त्यांची मागणी आहे. या आंदोलनात जिल्ह्यातील शिक्षकांनी मोठ्या संख्येने सहभागी व्हावे, असे आवाहन प्रा. मंगेश कांडलकर, प्रा. डॉ. आनंद देशमुख, प्रा. साहेबराव जुमडे, प्रा. प्रदीप शेवतकर यांच्यासह विज्युक्टा पदाधिकाऱ्यांनी केले आहे.
Source link
शिक्षकांचे 24 जूनला उपसंचालक कार्यालयासमोर आंदोलन:संचमान्यता निकषांविरोधात विज्युक्टा व विदर्भ माध्यमिक शिक्षक महासंघाचा निर्णय
