मुंबई-पुणे द्रुतगती मार्गावरील ‘मिसिंग लिंक’ बोगद्यात मध्यरात्री एक अत्यंत भीषण अपघात घडला आहे. पुण्याहून मुंबईच्या दिशेने जाणाऱ्या एका भरधाव फॉर्च्युनर कारने एका मालवाहू टेम्पोला पाठीमागून जोरदार धडक दिली. या घटनेत पिंपरी-चिंचवडमधील वाकड एका तरुणाचा जागीच मृत्यू झाला आहे, तर इतर एक जण गंभीर जखमी झाला आहे. अपघात नेमका कसा घडला? पोलिसांनी दिलेल्या प्राथमिक माहितीनुसार, मध्यरात्री दीड वाजेच्या सुमारास हा अपघात झाला. वाकड येथील पाच जण फॉर्च्युनर कारने पुण्याहून मुंबईच्या दिशेने प्रवास करत होते. ‘मिसिंग लिंक’ बोगद्यातून मार्गक्रमण करत असताना चालकाचे कारवरील नियंत्रण सुटले आणि भरधाव कार थेट समोरील मालवाहू टेम्पोच्या मागील भागावर जाऊन आदळली. ही धडक इतकी वेगवान आणि भीषण होती की, फॉर्च्युनर कारचा समोरील भाग पूर्णपणे चक्काचूर झाला. एकाचा मृत्यू, तर एक जण गंभीर या भीषण अपघातात वाकड (भूमकर चौक) येथील रहिवासी असलेल्या एका तरुणाचा घटनास्थळीच मृत्यू झाला. ते पिंपरी-चिंचवड परिसरातील सामाजिक आणि राजकीय क्षेत्रात सक्रिय असल्याची माहिती आहे. या अपघातात कारमधील आणखी एका प्रवाशाला गंभीर दुखापत झाली असून त्याला तातडीने जवळच्या खासगी रुग्णालयात उपचारासाठी दाखल करण्यात आले आहे. सुदैवाने, कारमधील उर्वरित तीन जण या अपघातातून बचावले असून त्यांना किरकोळ दुखापत झाली आहे. वाहतुकीवर परिणाम आणि पोलिसांची तत्परता अपघाताची तीव्रता जास्त असल्याने दोन्ही अपघातग्रस्त वाहने महामार्गाच्या मधोमध अडकली होती. सुरक्षेचा उपाय म्हणून प्रशासनाने मिसिंग लिंकमधून मुंबईच्या दिशेने जाणारी वाहतूक तब्बल दोन ते तीन तास पूर्णपणे बंद ठेवली होती. महामार्गावर वाहनांच्या रांगा लागल्याने, मुंबईकडे जाणारी वाहतूक तातडीने जुन्या पुणे-मुंबई महामार्गावरून वळवण्यात आली. अपघाताची माहिती मिळताच महामार्ग पोलीस आणि आपत्कालीन बचाव पथकाने तत्काळ घटनास्थळी धाव घेतली. बचाव पथकाने क्रेनच्या साहाय्याने अपघातग्रस्त कार आणि टेम्पो बाजूला हटवले. रस्त्यावरील ढिगारा साफ केल्यानंतर महामार्गावरील वाहतूक पुन्हा पूर्ववत करण्यात आली. हेही वाचा.. OBC राजकारणात नवा टर्निंग पॉइंट: जातनिहाय जनगणना का महत्त्वाची? मंडल यात्रा आणि महाराष्ट्रातील राजकीय समीकरणे कशी बदलली! भारतात ‘जातनिहाय जनगणना’ हा विषय पुन्हा एकदा देशाच्या राजकीय आणि सामाजिक पटलावर अत्यंत तीव्रतेने ऐरणीवर आला आहे. केंद्र सरकारने जातनिहाय जनगणनेला तत्त्वतः मंजुरी दिल्यानंतर, महाराष्ट्रात ओबीसी संघटना आणि राजकीय नेत्यांनी या प्रक्रियेला गती देण्याची मागणी लावून धरली आहे. याच पार्श्वभूमीवर विरोधी पक्षनेते विजय वडेट्टीवार यांच्या नेतृत्वाखाली भंडारा येथून विदर्भातील 11 जिल्ह्यांमध्ये ‘5वी मंडल जनगणना यात्रा’ सुरू झाली असून, यामुळे राज्यातील राजकीय वातावरण चांगलेच तापले आहे. सविस्तर वाचा
Source link
मुंबई-पुणे एक्स्प्रेसवेवर भीषण अपघात:फॉर्च्युनर आणि टेम्पोच्या धडकेत वाकडच्या युवा नेत्याचा मृत्यू, तर एक गंभीर
