कारखान्याच्या विस्तारासाठी कर्ज आणि सरकारी शाळांसाठी गणवेश पुरवठ्याचे कंत्राट मिळवून देण्याचे आमिष दाखवून ठाणे जिल्ह्यातील एका टेक्स्टाइल कंपनीच्या संचालकाची पाच जणांनी २०.५८ कोटी रुपयांची फसवणूक केल्याची माहिती पोलिसांनी शनिवारी दिली. एका अधिकाऱ्याने सांगितले की, “चूर टेक्स्टाइल्स लिमिटेड’चे संचालक तुषार प्रेमचंद गोसरानी यांच्या तक्रारीवरून कोनगाव पोलिसांनी फसवणूक आणि संगनमताने कट रचल्याप्रकरणी गुन्हा दाखल केला आहे. हा फसवणुकीचा प्रकार २०२० ते डिसेंबर २०२५ या कालावधीत घडला. तक्रारदाराच्या म्हणण्यानुसार, आरोपी अनुभव मित्तल, रजनी मित्तल, राजेशकुमार, अफसर अली आणि त्यांच्या साथीदारांनी कारखान्याच्या विस्तारासाठी आर्थिक मदत आणि राज्य सरकारच्या शाळांमधील गणवेश पुरवठ्याचे कंत्राट मिळवून देण्याचे आश्वासन दिले होते. अधिकारी पुढे म्हणाले की, आरोपींनी दिलेले आश्वासन न पाळता संचालकाने दिलेले स्वाक्षरी केलेले कोरे चेक, लेटरहेड आणि इतर महत्त्वाच्या कागदपत्रांचा गैरवापर केला. याद्वारे त्यांनी २.९५ कोटी रुपये रोख आणि १७.६३ कोटी रुपये बँक ट्रान्सफरद्वारे लाटून पैशांचा अपहार केला. बिल्डर व घर खरेदीदारांची १३.५७ कोटींची फसवणूक बनावट करारपत्रांचा वापर करून एका निवासी प्रकल्पातील फ्लॅट्स आणि दुकाने बेकायदेशीरपणे विकून कोट्यवधी रुपयांची फसवणूक केल्याप्रकरणी ठाणे पोलिसांनी अनेकांवर फसवणुकीचा गुन्हा दाखल केला. ‘प्रीमियम बिल्डर्स अँड डेव्हलपर्स’च्या तक्रारीनंतर, मुंब्रा पोलिसांनी आरोपींवर भारतीय न्याय संहितेअंतर्गत १३.५७ कोटी रुपयांच्या फसवणुकीचा गुन्हा दाखल केला आहे. फेब्रुवारी २०२४ ते सप्टेंबर २०२६ या काळात एका निवासी प्रकल्पातील २५ फ्लॅट्स आणि सात व्यावसायिक गाळ्यांची बेकायदेशीरपणे विक्री करण्यासाठी पैसे घेतले.
Source link
ठाण्यात टेक्स्टाइल कंपनीच्या संचालकाला 20 कोटींचा गंडा:फसवणुकीचा प्रकार 2020 ते डिसेंबर 2025 दरम्यान घडला
