छत्रपती संभाजीनगर-पैठण रोडवरील अत्यंत वर्दळीच्या वाल्मी चौकात भीषण अपघात झाला आहे. एका भरधाव ट्रकने एका एर्टिगा कारसह दोन प्रवासी ऑटो रिक्षांना जोरदार धडक दिली. या दुर्घटनेत ७ ते ८ जण गंभीर जखमी झाले असून, सर्व जखमींना तातडीने उपचारासाठी शहरातील घाटी रुग्णालयात दाखल करण्यात आले आहे. नेमकं काय घडलं? मिळालेल्या प्राथमिक माहितीनुसार, वाल्मी चौकात नेहमीप्रमाणे वाहतूक सुरू असताना हा अपघात झाला. एका भरधाव ट्रकवरील अनियंत्रित ट्रकने रस्त्यावरील एका एर्टिगा कारला आणि दोन ऑटो रिक्षांना जोरदार धडक दिली. ही धडक इतकी भीषण होती की, यामध्ये कार आणि दोन्ही रिक्षांचे मोठे नुकसान झाले असून वाहनांचा चक्काचूर झाला आहे. जखमींवर घाटी रुग्णालयात उपचार सुरू अपघाताचा आवाज ऐकताच आणि थरार पाहताच स्थानिक नागरिक आणि वाहनधारकांनी तातडीने घटनास्थळी धाव घेतली. रक्ताच्या थारोळ्यात पडलेल्या प्रवाशांना बाहेर काढत पोलिसांना पाचारण करण्यात आले. अपघातात गंभीर जखमी झालेल्या ७ ते ८ जणांना तत्काळ रुग्णवाहिकेच्या मदतीने घाटी रुग्णालयात हलवण्यात आले आहे. त्यांच्यावर सध्या वैद्यकीय पथकाकडून युद्धपातळीवर उपचार सुरू आहेत. या अपघातानंतर वाल्मी चौक परिसरात काही काळ वाहतूक कोंडी निर्माण झाली होती. पोलिसांनी घटनास्थळी पोहोचून वाहतूक सुरळीत केली असून, या भीषण अपघातास कारणीभूत ठरलेल्या ट्रक चालकाविरुद्ध गुन्हा दाखल करण्याची प्रक्रिया आणि पुढील तपास सुरू केला आहे. —————– हेही वाचा.. तुळजाभवानी मंदिरात संतापजनक प्रकार:प्रवेश नाकारल्याने पोलिसांची सुरक्षा रक्षकाला बेदम मारहाण! अमानुष मारहाणीत डोके फुटले तुळजाभवानी मंदिरात नवरात्र महोत्सवादरम्यान एक अत्यंत संतापजनक आणि धक्कादायक प्रकार उघडकीस आला आहे. मंदिरात दर्शनासाठी भाविकांची प्रचंड गर्दी असताना, पितळी गेटमधून आत प्रवेश देण्यास नकार दिल्याच्या कारणावरून तीन पोलिस कर्मचाऱ्यांनी मंदिर संस्थानच्या एका सुरक्षा रक्षकाला बेदम मारहाण केली. या अमानुष मारहाणीत सुरक्षारक्षकाचे डोके फुटले असून तो गंभीर जखमी झाला आहे. सविस्तर वाचा
Source link
छत्रपती संभाजीनगर-पैठण रोडवर भीषण अपघात:भरधाव ट्रकची कारसह दोन रिक्षांना धडक, 7 ते 8 जण गंभीर जखमी
