अमरावती शहराला पाणी देणाऱ्या अप्पर वर्धा धरणातील पाणी उन्हाळ्यापर्यंत पुरावे, यासाठी जिल्हा प्रशासन उपाय शोधत आहे. पाण्याचे बाष्पीभवन कमी करणे आणि पाणी वाचवणे यावर चर्चा सुरू आहे. बाष्पीभवन रोखण्यासाठी पाण्यावर पांढरे आच्छादन टाकण्याचे प्रयोग केले जातात. काही ठिकाणी विशिष्ट रसायन वापरून पाणी आणि सूर्यकिरणांमध्ये अडथळा निर्माण केला जातो. तर काही ठिकाणी थर्मोकोलच्या शीट्स वापरून आच्छादन केले जाते. यंदा पाऊस कमी झाल्याने जलाशयांमधील पाणीसाठा मर्यादित आहे. कडक ऊन कायम राहिल्यास पाण्याचे बाष्पीभवन वेगाने होऊ शकते. त्यामुळे बाष्पीभवन कमी होण्यासाठी आणि पाणी वाचवण्यासाठी थंडी पडणेही महत्त्वाचे ठरणार आहे. उन्हाळा आणि पावसाळा या दोन्ही ऋतूंमध्ये नागरिकांना उन्हाचा सामना करावा लागला. सलग दोन महिने ऑक्टोबर हिट जाणवल्यानंतर आता नागरिकांचे लक्ष हिवाळ्याकडे आहे. दिवाळी जवळ आली तरी दिवसभर उन्हाचा चटका कायम आहे. गेल्या काही दिवसांत कमाल तापमान वाढले आहे. येत्या आठवडाभरातही ऑक्टोबर हिट कायम राहण्याची शक्यता आहे. गेल्या वर्षाच्या तुलनेत यंदा थंडीची लाट कमी राहण्याची शक्यता वर्तवली जात आहे. कडाक्याच्या थंडीचे दिवस कमी आणि तापमान सरासरीपेक्षा जास्त राहिल्यास बाष्पीभवन रोखणे कठीण होऊ शकते. विदर्भातील जास्त तापमान, कडक ऊन आणि कोरडे वारे यांमुळे दरवर्षी मार्च ते जूनदरम्यान मोठ्या जलाशयांमधील पाण्याचे बाष्पीभवन होते. जलविज्ञान आणि सिंचन अभ्यासकांच्या मते, अप्पर वर्धासारख्या मोठ्या जलाशयातून उन्हाळ्यात दररोज लाखो लिटर पाणी बाष्पीभवनामुळे हवेत जाते. हे प्रमाण धरणाच्या एकूण पाणीसाठ्याच्या तुलनेत लक्षणीय असते. मोठ्या धरणांतील संपूर्ण पाणीसाठ्यावर आच्छादन करणे कठीण आहे. मात्र, पाणीसाठा कमी झाल्यावर गरजेनुसार लहान भागांवर किंवा पाणी उपसा केंद्रांजवळ तात्पुरते प्लॅस्टिक बॉल्स किंवा इतर तरंगणारे साहित्य वापरण्याबाबत तांत्रिक सल्ला घेतला जात आहे.
Source link
अमरावतीत धरणाचे पाणी उन्हाळ्यापर्यंत जपण्याचे प्रयत्न:बाष्पीभवन रोखण्याचे उपाय प्रशासन शोधत आहे; थंडीचा अंदाजही घेतला जातो
