- Marathi News
- National
- Gold Ornaments Up To 500 Grams; Source Of Purchase Will Have To Be Stated Supreme Court, Where And How The Gold Was Purchased… Can Be Asked
नवी दिल्ली1 मिनिटापूर्वी
- कॉपी लिंक
देशात अनेक वर्षांपासून असा नियम चालत आला आहे की, जर आयकर विभागाची (आयकर छापेमारी) धाड पडली, तर विवाहित महिलेकडे ५०० ग्रॅमपर्यंत सोन्याचे दागिने असल्यास अधिकारी ते जप्त करू शकत नाहीत. याच नियमाचा फायदा घेऊन अनेक जण असे गृहीत धरत असत की, ५०० ग्रॅमपर्यंत सोने ठेवल्यास कोणालाही काहीही उत्तर द्यावे लागणार नाही. परंतु, सर्वोच्च न्यायालयाने आता याबाबत एक मोठे स्पष्टीकरण दिले आहे.
न्यायालयाने स्पष्ट केले की — सोने जप्त न होणे आणि त्या सोन्याचे मालक असणे या दोन पूर्णपणे वेगवेगळ्या गोष्टी आहेत. धाडीदरम्यान सोने जप्त होण्यापासून संरक्षण मिळणे याचा अर्थ असा मुळीच नाही की, तुम्ही ते सोने कुठून आणि कसे खरेदी केले? हे तुम्हाला विचारलेच जाऊ शकत नाही.
बील, पावत्या सांभाळून ठेवा
सोनेबाबत नियम? विभागाच्या धाडीत विवाहित महिलेकडे ५०० ग्रॅमपर्यंत, अविवाहित महिलेकडे २५० ग्रॅमपर्यंत आणि पुरुषाकडे १०० ग्रॅमपर्यंत सोन्याचे दागिने असतील, तर ते जप्त केले जाणार नाही.
मर्यादा निश्चित आहे? सोने बाळगण्यासाठी कोणतीही कमाल मर्यादा निश्चित नाही. एखादे कुटुंब ५०० ग्रॅमपेक्षा जास्त सोनेही स्वतःकडे ठेवू शकते; मात्र ते वैध उत्पन्नातील असावे.
निर्णयाचा अर्थ कसा? न्यायालयाने सर्वसामान्य नागरिकांकडून त्यांच्या दागिन्यांचा कोणताही हिशोब मागितलेला नाही. तसेच, जप्तीपासून मिळणाऱ्या संरक्षणाचा नियमही रद्द केलेला नाही.
आता काय करावे? दागिन्यांचे बिल, पावत्या, पत्रिका, वारसाहक्क कागद सांभाळून ठेवावीत. अत्यंत जुन्या किंवा वडिलोपार्जित दागिन्यांचे प्रत्येक एक बिल मागितले जात नाही.
