Fire in a hotel in Delhi… No chance of rescue, 22 people including 11 foreigners died, permission was given for the hotel for 6 rooms, 25 were built

दक्षिण दिल्लीतील मालवीय नगर येथे असलेल्या फ्लोरीश स्टे ‘बी अँड बी’ हॉटेलमध्ये बुधवारी सकाळी लागलेल्या आगीत २२ लोकांचा मृत्यू झाला. ‘बेड एंड ब्रेकफास्ट’ योजनेअंतर्गत या हॉटेलला ६ खोल्यांची मंजुरी होती, पण येथे २५ पेक्षा जास्त खोल्या आढळल्या. हॉटेलकडे फायर एनओसी नव्हती आणि येण्या-जाण्यासाठी एकच रस्ता होता. मृतांमध्ये ११ विदेशी नागरिक आणि ११ भारतीय आहेत.

परदेशी नागरिकांमध्ये ९ आफ्रिकन देशांतील आणि २ तुर्कमेनिस्तानचे नागरिक आहेत. मृतदेहांची ओळख पटवण्यासाठी डीएनए चाचणी केली जाईल. पोलिसांनी हॉटेल मालक लवकेश बजाज आणि इतरांविरुद्ध सदोष मनुष्यवधाचा गुन्हा दाखल करून बजाजला अटक केली आहे. आग लागण्याचे कारण उशिरा रात्रीपर्यंत स्पष्ट होऊ शकले नव्हते. याचा तपास सुरू आहे.

प्रत्यक्षदर्शींनी सांगितले की, सकाळी ८:३० वाजता आग लागली. काही मिनिटांतच धूर संपूर्ण इमारतीत पसरला. वरच्या मजल्यांवर थांबलेल्या लोकांना बाहेर पडण्याची संधीच मिळाली नाही. फायर सर्व्हिस, पोलीस आणि स्थानिक लोकांनी ५८ लोकांना बाहेर काढले. यामध्ये ३५ जण जखमी आहेत. या दरम्यान १० पोलीस कर्मचारीही जखमी झाले. मॅक्स हॉस्पिटलने सांगितले की, ३९ लोकांना आणले गेले होते, ज्यापैकी १८ जणांचा रुग्णालयात पोहोचण्यापूर्वीच मृत्यू झाला होता. १५ जण आयसीयूमध्ये दाखल असून त्यापैकी ८ जण व्हेंटिलेटरवर आहेत.

हायकोर्टाने जानेवारीत मागितला होता ॲक्शन प्लॅन, ५ महिन्यांत घटना

सरकार धोरण बदलणार; आजपासून सीलिंगही होणार

वडिलांच्या भेटीला आलेल्या ७ जणांचा मृत्यू

निष्काळजीपणाची आग…

फायर ब्रिगेड पोहोचण्यापूर्वीच स्थानिक लोक बचावासाठी सरसावले. हॉटेलसमोर ब्लँकेट व गाद्यांचे दुकान चालवणाऱ्या अरमानने दुकानातील सर्व नवीन गाद्या, रजाया काढून रस्त्यावर पसरवल्या. अरमानने सांगितले की, हॉटेलच्या वरच्या मजल्यावरून अनेक लोक याच गाद्यांवर पडल्याने त्यांचे जीव वाचले. भाजप आमदार सतीश उपाध्याय यांनी सांगितले की, स्थानिक तरुण अफजल, शाहरूख, अनिस, आमीर आणि वसीम यांनी लोकांना बाहेर काढण्यास मदत केली आणि किमान १० लोांना सीपीआर देखील दिला.