Vijaypath… Majority 5 days after the results, oath today, TVK at 120 with the support of VCK-IUML

तामिळनाडूमध्ये सत्तास्थापनेचा सस्पेन्स शनिवारी रात्री संपला. दिवसभराच्या संभ्रमानंतर व्हीसीके व आययूएमएलने अभिनेता विजय यांच्या टीव्हीके पक्षाला पाठिंबा दिला. आता टीव्हीकेला १२० आमदारांचा पाठिंबा मिळाला आहे, जो २३४ सदस्यीय विधानसभेत बहुमताच्या ११८ च्या आकड्यापेक्षा दोनने अधिक आहे. विजय यांनी काँग्रेस, आययूएमएल, व्हीसीके व डाव्या पक्षांच्या नेत्यांसोबत राज्यपालांची भेट घेऊन सरकार स्थापनेचा दावा केला.

निकालाच्या पाच दिवसांत विजय यांची राज्यपालांसोबतची ही चौथी भेट होती. यानंतर राज्यपालांनी विजय यांना तामिळनाडूचे मुख्यमंत्री म्हणून नियुक्त केले. ते रविवारी सकाळी १० वाजता नऊ मंत्र्यांसह मुख्यमंत्रिपदाची शपथ घेतील. टीव्हीकेला १०८ जागा मिळाल्या आहेत, पण विजय २ जागांवरून जिंकले आहेत. काँग्रेसचे ५, डाव्यांचे ४, व्हीसीके-आययूएमएलच्या प्रत्येकी २ आमदारांचा टीव्हीकेला पाठिंबा आहे.

फिल्मी सीन: दिवसभर सस्पेन्स, संध्याकाळी घोषणेनंतर जल्लोष

व्हीसीके पक्षाने दिवसा सव्वा १ वाजता, त्यानंतर ३ वाजता व शेवटी ४ वाजता निर्णय सांगण्याची घोषणा केली. अखेर ४:३३ वाजता पाठिंब्याचे पत्र टीव्हीकेला सोपवले. यानंतर टीव्हीके समर्थकांनी जल्लोष सुरू केला. संध्याकाळी ५.०८ वाजता आययूएमएलनेही विनाअट पाठिंबा दिला.

पत्र मिळाल्यानंतर विजय राज्यपालांना भेटण्यासाठी घराबाहेर पडले. याच दरम्यान ५:५६ वाजता लोकभवनमधून राज्यपाल केरळला जाणार असल्याची माहिती मिळाली. नंतर ६:२१ वाजता सांगितले की राज्यपालांनी दौरा रद्द केला असून विजय यांना भेटीची वेळ दिली आहे. ७ वाजता विजय राज्यपालांना भेटले.

आमदार सुरक्षित स्थळी

बहुमत सिद्ध केल्यानंतर राज्यपालांची औपचारिक संमती, पाठिंब्याच्या पत्रांची पडताळणी व फ्लोअर टेस्ट ही सरकार स्थापनेची पुढची पायरी आहे. यादरम्यान, काँग्रेस आमदारांना हैदराबादच्या हॉटेलमध्ये आणि टीव्हीके आमदारांना मामल्लपुरमच्या हॉटेलमध्ये ठेवले आहे.

नियुक्त केले. ते रविवारी सकाळी १० वाजता नऊ मंत्र्यांसह मुख्यमंत्रिपदाची शपथ घेतील. टीव्हीकेला १०८ जागा मिळाल्या आहेत, पण विजय २ जागांवरून जिंकले आहेत. काँग्रेसचे ५, डाव्यांचे ४, व्हीसीके-आययूएमएलच्या प्रत्येकी २ आमदारांचा टीव्हीकेला पाठिंबा आहे.