आंध्र प्रदेश-विद्यार्थिनींवर करवतीने हल्ला करणाऱ्या आरोपीचे एन्काउंटर:पोलिस सीन रिक्रिएट करण्यासाठी घेऊन जात होते, तेव्हा त्याने पळ काढला; पोलिसांनी गोळी झाडली, प्रकृती गंभीर

आंध्र प्रदेशात शालेय विद्यार्थिनीवर करवतीने हल्ला करणाऱ्या आरोपीवर पोलिसांनी रविवारी रात्री एन्काउंटर केला. पोलिसांच्या माहितीनुसार, आरोपीला सीन रिक्रिएट करण्यासाठी नेले जात होते. त्याचदरम्यान त्याने पळून जाण्याचा प्रयत्न केला आणि पोलिसांवर दगडफेक करू लागला. त्याला ताब्यात घेण्याचा प्रयत्न करताना अनेक पोलिस जखमी झाले. पोलिसांनी स्वसंरक्षणासाठी गोळीबार केला. एकूण सहा राऊंड गोळीबार करण्यात आला, त्यामुळे आरोपी गंभीर जखमी झाला. उपचारासाठी त्याला रुग्णालयात दाखल करण्यात आले आहे. त्याची प्रकृती गंभीर असल्याचे सांगण्यात येत आहे. आंध्र प्रदेशातील अनंतपूर जिल्ह्यात शनिवारी शाळेच्या वर्गात दहावीच्या विद्यार्थिनीवर पॉवर चेनसॉ (वीजवर चालणारी करवत)ने हल्ला करण्यात आला. या हल्ल्यात विद्यार्थिनीचा उजवा हात कापला गेला आणि चेहरा, मान व कानावर गंभीर दुखापत झाली. तिला वाचवण्यासाठी धावून आलेली दुसरी विद्यार्थिनीही जखमी झाली होती. शनिवारच्या घटनेचे ३ फोटो आरोपी विद्यार्थिनीचा दूरचा नातेवाईक स्थानिक मीडिया रिपोर्ट्सनुसार, वर्गात शिकवणी सुरू होती. त्याचवेळी आरोपी हेमंत उर्फ डुम्मू तेथे पोहोचला आणि विद्यार्थिनीवर हल्ला केला. आरोपी धर्मावरम मंडळातील नागलूर गावचा रहिवासी असल्याचे सांगितले जात आहे. तो जखमी विद्यार्थिनींपैकी एका विद्यार्थिनीचा दूरचा नातेवाईक आहे. मीडिया रिपोर्ट्सनुसार, शाळेत दुरुस्तीचे काम सुरू होते. यादरम्यान आरोपीला मजूर समजून शाळेत प्रवेश देण्यात आला. ही बातमी देखील वाचा… KGच्या मुलीच्या डोक्यावर 12 वेळा वीट मारली:तिसरीच्या विद्यार्थ्याने बाकावर आपटले, केस पकडून फरफटत नेले, 96 सेकंद मारहाण केली हरियाणातील पंचकुलाच्या एका प्रसिद्ध शाळेत केजीच्या विद्यार्थिनीवर तिसरी इयत्तेतील विद्यार्थ्याने निर्दयीपणे हल्ला केला. विद्यार्थ्याने आधी मुलीचे डोके बाकावर आपटले, त्यानंतर तिच्या चेहऱ्यावर १९ वेळा लाथा-बुक्क्यांनी मारहाण केली. तिचे केस पकडून तिला फरफटत नेले. नंतर वीट घेऊन मुलीच्या डोक्यावर १२ वेळा वार केले. वाचा सविस्तर बातमी…



Source link