मोर्शी तालुक्यातील नेरपिंगळाईजवळच्या सुंदरगिरी पर्वतावर वसलेले ऐतिहासिक व जागृत देवस्थान म्हणून पिंगळादेवी मंदिराची ओळख आहे. या मंदिराने यावर्षी अत्यंत सकारात्मक निर्णय घेतला असून नवरात्रोत्सवात गोळा होणाऱ्या देणगीचा मोठा भाग मुख्यमंत्री सहायता निधीला अर्पण करण्याचे ठरवले आहे. राज्यात उद्भवलेल्या दुष्काळाच्या पार्श्वभूमीवर मंदिर व्यवस्थापनाने हा निर्णय घेतला असून त्यामुळे अभावग्रस्त शेतकऱ्यांना मोठी मदत होणार आहे. दुसरीकडे नवरात्रोत्सवातील इतर उत्सवांसाठीसुद्धा हे मंदिर सज्ज झाले आहे. अमरावती-मोर्शी मार्गावर अमरावतीपासून सुमारे ३५ किलोमीटर अंतरावर असलेले हे देवस्थान नेरपिंगळाईपासून अवघ्या चार किलोमीटर अंतरावर आहे. भोसलेकालीन कापूर तलाव मंदिरापासून काही अंतरावर भोसलेकालीन कापूर तलाव आहे. हा तलाव भाविकांसाठी आणखी एक आकर्षण आहे. हा तलाव रघुजी राजे भोसले यांनी बांधल्याचे सांगितले जाते. धार्मिक स्थळासोबतच निसर्गरम्य परिसर आणि ऐतिहासिक वारसा यामुळे पिंगळादेवी गडाला विशेष महत्त्व प्राप्त झाले आहे.
Source link
पिंगळादेवी संस्थानची मुख्यमंत्री निधीला मदत:सकारात्मक नवरात्र, दुष्काळाच्या पार्श्वभूमीवर घेतला निर्णय
