महाराष्ट्र लोकसेवा आयोगाच्या (MPSC) अध्यक्षांच्या राजीनाम्यासह विविध मागण्यांसाठी पुण्यात विद्यार्थ्यांचे आंदोलन सुरू आहे. राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांच्या नेतृत्वाखाली सुरू असलेल्या या आंदोलनाला मराठा आरक्षण आंदो
.
जरांगे पाटील यांनी यावेळी विद्यार्थ्यांना आंदोलन करताना काळजी घेण्याचे आवाहन केले. विद्यार्थ्यांच्या आंदोलनाला कोणत्याही प्रकारे गालबोट लागू नये, अशी अपेक्षा त्यांनी व्यक्त केली. “तुमचे आई-वडील तुमची घरी वाट पाहत आहेत. मुलाला नोकरी मिळाली तर कुटुंबावर कितीही संकट आले तरी ते त्याला सामोरे जाईल,” असे सांगत त्यांनी विद्यार्थ्यांच्या रोजगाराच्या प्रश्नाचे महत्त्व अधोरेखित केले.
‘विद्यार्थ्यांसाठी सगळा महाराष्ट्र बंद करू’
विद्यार्थ्यांच्या मागण्यांकडे सरकारने गांभीर्याने पाहिले नाही तर आंदोलनाचा विस्तार करण्याचा इशारा जरांगे पाटील यांनी दिला. विद्यार्थ्यांच्या प्रश्नांसाठी संपूर्ण महाराष्ट्रात आंदोलन उभे करू, असे ते म्हणाले.
“तुमच्यासाठी सारा महाराष्ट्र बंद करू,” असे म्हणत त्यांनी सरकारला इशारा दिला. तसेच महाराष्ट्र बंद करण्याची वेळ आली आणि तो एका दिवसात करता आला नाही तर आपले नाव बदलू, अशा शब्दांत त्यांनी आक्रमक भूमिका मांडली.
विद्यार्थ्यांचे आंदोलन राजकीय असल्याचा आरोप केला जात असल्यावरही जरांगे यांनी प्रतिक्रिया दिली. विद्यार्थ्यांच्या मागण्यांसाठी एखादा नेता किंवा संघटना त्यांच्या बाजूने उभी राहत असेल, तर त्याला राजकीय रंग का दिला जातो, असा सवाल त्यांनी उपस्थित केला.
‘विद्यार्थ्यांना बळ दिलं तर त्यात गैर काय?’
विद्यार्थ्यांच्या आंदोलनाला पाठिंबा देण्यासाठी आपण पुण्यात आलो असल्याचे सांगताना जरांगे पाटील यांनी विद्यार्थ्यांच्या मागण्यांकडे दुर्लक्ष करता येणार नसल्याचे म्हटले.
“हे आंदोलन राजकीय कसं काय? विद्यार्थ्यांना बळ दिलं नाही पाहिजे का?” असा सवाल त्यांनी उपस्थित केला. विद्यार्थ्यांच्या भविष्याचा प्रश्न असल्याने त्यांच्या मागण्यांसाठी आवाज उठवणे गरजेचे असल्याचे त्यांनी सांगितले.
‘मला सकाळपासून फोन येत आहेत’
पुण्यातील आंदोलनाला भेट देऊ नये, यासाठी सकाळपासून आपल्याला फोन येत असल्याचा दावाही जरांगे पाटील यांनी केला. आंदोलनस्थळी जाण्यापासून रोखण्याचा प्रयत्न होत असल्याचे त्यांनी सांगितले.
“मला सकाळपासून फोन येत आहेत, तिकडे जाऊ नको, असे सांगितले जात आहे. मला काय विकत घेतले आहे का?” अशा शब्दांत त्यांनी नाराजी व्यक्त केली. आपण कोणाच्याही दबावाखाली काम करत नसल्याचेही त्यांनी स्पष्ट केले.
MPSC अध्यक्षांवरही निशाणा
मनोज जरांगे पाटील यांनी आपल्या भाषणात MPSC अध्यक्ष विवेक भीमनवार यांच्यावरही टीका केली. विद्यार्थ्यांच्या मागण्यांच्या पार्श्वभूमीवर आयोगाच्या अध्यक्षांनी राजीनामा द्यावा, अशी मागणी त्यांनी केली. “राजीनामा द्यावाच लागेल,” अशी भूमिका घेत त्यांनी सरकारवरही प्रश्न उपस्थित केले. मुख्यमंत्री देवेंद्र फडणवीस यांना उद्देशून त्यांनी, “तुम्ही त्यांचे प्रवक्ते म्हणून काम करता का?” असा सवाल केला.
सरकारने MPSC अध्यक्षांवर कारवाई करून त्यांना पदावरून दूर करावे, अशी मागणीही त्यांनी केली. विद्यार्थ्यांच्या प्रश्नावर सरकारने तातडीने निर्णय घ्यावा, अन्यथा आंदोलन अधिक तीव्र होईल, असा इशारा त्यांनी दिला.
‘गरिबांच्या मुलांनी अधिकारी होऊ नये असं वाटतं का?’
जरांगे पाटील यांनी विद्यार्थ्यांच्या आर्थिक परिस्थितीचा मुद्दाही उपस्थित केला. स्पर्धा परीक्षांची तयारी करणाऱ्या अनेक विद्यार्थ्यांच्या कुटुंबीयांच्या मोठ्या अपेक्षा असतात. मुलगा अधिकारी व्हावा आणि त्याला चांगली नोकरी मिळावी, हे आई-वडिलांचे स्वप्न असते. या स्वप्नांशी खेळू नका, असे आवाहन त्यांनी केले.
गरिबांच्या मुलांना स्पर्धा परीक्षांच्या माध्यमातून पुढे जाण्याची संधी मिळाली पाहिजे. त्यांच्या कुटुंबीयांनी पाहिलेल्या स्वप्नांचा चुराडा होऊ नये, अशी भूमिका त्यांनी मांडली.
आंदोलन आणखी तीव्र होण्याची शक्यता
पुण्यात सुरू असलेल्या विद्यार्थ्यांच्या आंदोलनाला मनोज जरांगे पाटील यांनी भेट दिल्याने आंदोलनाला पाठिंबा देणाऱ्या नेत्यांची संख्या वाढली आहे. MPSC अध्यक्षांचा राजीनामा, विद्यार्थ्यांच्या विविध मागण्या आणि सरकारची भूमिका या मुद्द्यांवरून वातावरण तापण्याची शक्यता आहे.
दरम्यान, विद्यार्थ्यांनी आंदोलन करताना शांतता राखावी आणि कोणत्याही प्रकारे कायदा-सुव्यवस्थेचा प्रश्न निर्माण होणार नाही, याची काळजी घ्यावी, असे आवाहनही जरांगे पाटील यांनी केले. मात्र, मागण्यांवर सरकारने तातडीने निर्णय घेतला नाही तर राज्यव्यापी आंदोलनाचा इशारा त्यांनी दिला आहे.
हेही वाचा….
प्रदीप पूर्णेकर हत्या प्रकरणात मोठा खुलासा:सुपारी देऊन थंड डोक्याने हत्या केल्याचा पोलिसांचा कोर्टात दावा, घटनेच्या 10 दिवस आधी पप्या शिंदेचा आरोपींशी 150 वेळा संपर्क
शिवसेना ठाकरे गटाचे विभागप्रमुख प्रदीप पूर्णेकर यांच्या हत्या प्रकरणाचा तपास जसजसा पुढे जात आहे, तसतशी या हत्येच्या नियोजनाबाबत नवी माहिती समोर येत आहे. पूर्णेकर यांची हत्या पूर्वनियोजित पद्धतीने आणि सुपारी देऊन करण्यात आल्याचा दावा पोलिसांनी सोमवारी ठाणे न्यायालयात केला. या प्रकरणातील आरोपी सुभाष शिंदे उर्फ पप्या याची इतर आरोपींसोबत हत्या होण्यापूर्वी मोठ्या प्रमाणात फोनवरून चर्चा झाल्याचेही पोलिसांनी न्यायालयाच्या निदर्शनास आणून दिले. सविस्तर वाचा…
