Headlines

अमरावती तालुक्यात 59 ग्रामपंचायतींचे सरपंच आरक्षण जाहीर:एससीसाठी 14, नामाप्रसाठी 11, एसटीसाठी 4 आणि सर्वसाधारण प्रवर्गासाठी 30 जागा; महिलांसाठीही आरक्षण




अमरावती तालुक्यातील ५९ ग्रामपंचायतींच्या सरपंचपदाचे आरक्षण जाहीर झाले आहे. एससीसाठी १४, नामाप्रसाठी ११, एसटीसाठी ४ आणि सर्वसाधारण प्रवर्गासाठी ३० जागा राखीव आहेत. प्रत्येक प्रवर्गात महिलांसाठीही जागा आहेत. जिल्हाधिकारी आशिष येरेकर यांच्या निर्देशानुसार शुक्रवारी तहसील कार्यालयात सोडत काढण्यात आली. तहसीलदार तथा प्राधिकृत अधिकारी आणि उपविभागीय अधिकारी तथा नियंत्रण अधिकारी यांच्या मार्गदर्शनाखाली ही प्रक्रिया झाली. अनुसूचित जातीसाठी इंदला, उदखेड, जळका, पिंप्री यादगीरे, कापूसतळणी, वडगाव जिरे आणि सुकळी या ग्रामपंचायतींमध्ये पुरुष किंवा महिलांना संधी आहे. लोणटेक, सावर्डी, आमला, ब्राम्हणवाडा भगत, कठोरा खु, पिंपळखुटा आणि धानोरा कोकाटे येथे केवळ महिलांसाठी आरक्षण आहे. अनुसूचित जमातीसाठी शेवती जहाँगीर आणि भानखेडा खुर्द येथे पुरुष किंवा महिलांना संधी आहे. पोहरा आणि अंतोरा येथे केवळ महिलांसाठी जागा राखीव आहे. नागरिकांचा मागास प्रवर्गासाठी मलकापुर, टेंभा, बोडणा, भानखेडा बु. आणि नांदुरा लष्करपूर येथे पुरुष किंवा महिलांना संधी आहे. देवरा, सालोरा खु, नांदगाव पेठ, कामुंजा, गोपाळपूर आणि ब्राम्हणवाडा गोविंदपूर येथे केवळ महिलांसाठी आरक्षण आहे. सर्वसाधारण प्रवर्गातील यावली शहिद, करजगाव, वलगाव, कस्तुरा-मोगरा, काट आमला, देवरी, रोहनखेडा, नांदुरा पिंगळाई, डवरगाव, वाघोली, कठोरा बु, वडगाव माहोरे, डिगरगव्हाण, नांदुरा बु आणि मासोद येथे पुरुष किंवा महिलांना संधी आहे. कुंड सर्जापुर, रेवसा, शिराळा, वनारसी, नया अकोला, बोरगाव धर्माळे, सावंगा, पार्डी, केकतपूर, चिंचखेड, पुसदा, पिंपळविहीर, टाकळी जहाँगीर, माहुली जहाँगीर आणि अंजनगाव बारी येथे केवळ महिलांसाठी आरक्षण आहे. येत्या काळात होणाऱ्या निवडणुकांसाठी हे आरक्षण लागू असेल. शासनादेशानुसार जिल्हाधिकारी आशिष येरेकर यांनी एसडीओ आणि तहसीलदारांना प्राधिकृत केले होते. कामकाज पूर्ण करून अहवाल पाठवण्यात आला आहे. सोडतीवेळी तालुक्यातील बहुतेक गावांतील नागरिक उपस्थित होते. अनिल भटकर, एसडीओ तथा प्राधिकृत अधिकारी, अमरावती यांनी ही माहिती दिली.



Source link

Leave a Reply

Your email address will not be published. Required fields are marked *