गत ९३ वर्षांची गौरवशाली परंपरा व व्यापारी-उद्योग क्षेत्राची अविरत सेवा या संकल्पासह विदर्भ चेंबर ऑफ कॉमर्स अँड इंडस्ट्री, अकोला यांच्या वार्षिक सर्वसाधारण सभेमध्ये चेंबरचे मुख्य मुखपत्र असणाऱ्या “विदर्भ चेंबर पत्रिके’चे प्रकाशन करण्यात आले. स्थानिक पोलिस लॉन येथे झालेल्या या कार्यक्रमात कॉन्फेडरेशन ऑफ ऑल इंडिया ट्रेडर्सचे राष्ट्रीय महासचिव तथा दिल्लीचे खासदार प्रवीण खंडेलवाल, कैटचे राष्ट्रीय अध्यक्ष बी. सी. भरतिया, खासदार अनुप धोत्रे यांची प्रमुख उपस्थिती होती. याप्रसंगी विदर्भ चेंबरचे अध्यक्ष निकेश गुप्ता, निवर्तमान अध्यक्ष नितीन खंडेलवाल, नवनियुक्त अध्यक्ष नीरव वोरा, वरिष्ठ उपाध्यक्ष सिद्धार्थ रुहाटिया, कोषाध्यक्ष किशोर बाछूका, सहसचिव किरीट मंत्री मंचावर उपस्थित होते. प्रकाशनाचे पूजन व अनावरण संपादकीय मंडळाचे सदस्य संतोष छाजेड, राहुल मित्तल, मनोज अग्रवाल, ॲड. सुरेश गुरुजी अग्रवाल, प्रा. विजय अग्रवाल यांच्या उपस्थितीत करण्यात आले. याप्रसंगी मान्यवरांनी सांगितले की, “विचारांमधूनच विकासाचा मार्ग मोकळा होतो व संवादामुळे संस्थेची शक्ती वाढते.”विदर्भ चेंबर पत्रिका ही फक्त वृत्तांची सूची नसून चेंबरच्या सक्रियतेचे, उपलब्धींचे, निर्धाराचे व भविष्य दिशेचे एक ठोस दस्तऐवज आहे. या पत्रिकेत मागील वर्षात चेंबरने घेतलेले उपक्रम, व्यापार-उद्योग विकासासाठी केलेले प्रयत्न, व्यापाऱ्यांच्या हितासाठी उभारलेली आंदोलने व स्थानिक आर्थिक प्रगतीत चेंबरच्या भूमिकेचे वर्णन केले आहे. तसेच वर्तमान आर्थिक आव्हाने, जागतिक व्यापारातील बदल, नवोन्मेष, उद्योजकता व तज्ज्ञांच्या उपयुक्त विचारांनाही यात स्थान देण्यात आले आहे. विदर्भ चेंबरच्या वतीने सर्व सहकार्यकर्त्यांचे आभार व्यक्त करण्यात आले. सातत्यपूर्ण सहकार्य, विश्वास व सहभागामुळे हे प्रकाशन दरवर्षी नवीन उंची गाठत आहे. व्यापार-उद्योगासाठी उपयुक्त संदर्भग्रंथ म्हणून भूमिका बजावत राहो, अशी अपेक्षा व्यक्त झाली. सोहळ्याला परिसरातील व्यापार व उद्योग क्षेत्रातील मान्यवर उपस्थित होते.
Source link
"विदर्भ चेंबर पत्रिका’ भविष्याचा दस्तऐवज:गुप्ता यांचे प्रतिपादन; खा. धोत्रेंसह मान्यवरांची उपस्थिती
