केंद्रीय रस्ते वाहतूक आणि महामार्ग मंत्री नितीन गडकरी यांच्या प्रमुख उपस्थितीत स्विगीने ‘शेवटच्या टप्प्यातील वितरणाला बळ’ (Empowering Last-Mile Delivery) या संकल्पनेवर आधारित एका विशेष परिषदेचे आयोजन केले होते. या परिषदेच्या माध्यमातून स्विगीने देशातील ई-व्ही क्षेत्रातील विविध घटकांना एकाच व्यासपीठावर आणून शेवटच्या टप्प्यातील वितरणात इलेक्ट्रिक दुचाकींच्या वापरावर भर दिला. या कार्यक्रमात स्विगीने आपल्या इन्स्टामार्ट पॉड्सवर 25 ठिकाणी बॅटरी स्वॅपिंग केंद्रे आणि डिलिव्हरी भागीदारांसाठी ई-वाहने भाड्याने घेण्याची नवीन सुविधा अधिकृतपणे जाहीर केली. या नव्या उपक्रमामुळे डिलिव्हरी बॉईजचा वेळ वाचणार असून त्यांना ऑर्डर पिकअप पॉडवरच थेट चार्ज केलेली बॅटरी किंवा भाड्याने ई-वाहन उपलब्ध होणार आहे. उद्योग क्षेत्रातील दिग्गजांचा गौरव कार्यक्रमादरम्यान ई-वाहन क्षेत्रात महत्त्वपूर्ण कामगिरी करणाऱ्या कंपन्यांचा आणि ई-वाहनांचा प्रभावी वापर करणाऱ्या डिलिव्हरी भागीदारांचा विशेष सन्मान करण्यात आला. यामध्ये इंडोफास्ट एनर्जी, युलू, बाऊन्स डेली, RIDEV, बाज बाइक्स, मोटव्होल्ट, शॅडोफॅक्स, बीगॉस ऑटो, वीलो मोबिलिटी, हाला मोबिलिटी आणि युमा एनर्जी यांसारख्या कंपन्यांसह साजन लाल, कमल कुमार, अवनीश, संदीप गुप्ता, विजय, रितिक आणि खुर्शीद या डिलिव्हरी भागीदारांचा समावेश होता. कोण काय म्हणाले? “भारताचा विकास हा स्वच्छ आणि परवडणाऱ्या वाहतूक व्यवस्थेवर आधारित आहे. डिलिव्हरी भागीदार हे आधुनिक अर्थव्यवस्थेचा मुख्य कणा आहेत. जेव्हा ते ई-वाहनांचा स्वीकार करतात, तेव्हा पर्यावरण आणि शहरांसोबतच त्यांच्या कमाईतही वाढ होते. स्विगी आणि त्यांच्या भागीदारांचा हा प्रयत्न कौतुकास्पद असून सरकार अशा उपक्रमांच्या पाठीशी आहे.” – नितीन गडकरी, केंद्रीय रस्ते वाहतूक आणि महामार्ग मंत्री “आमचे डिलिव्हरी भागीदार प्रत्येक कामाचा पाया आहेत. ई-वाहनांकडे वळताना त्यांच्या समोर येणारे दैनंदिन अडथळे दूर करणे हे आमचे मुख्य ध्येय आहे. काम सोपे आणि सोयीस्कर झाल्यास नवीन तंत्रज्ञानाचा स्वीकार वेगाने होतो.” – श्रीहर्ष मजेटी, सह-संस्थापक व CEO, स्विगी “ई-वाहनांचा वापर सर्वत्र वाढवण्यासाठी परवडणारा वित्तपुरवठा, विश्वासार्ह बॅटरी सुविधा आणि पूरक धोरणांची गरज आहे. उद्योग क्षेत्र आणि धोरणकर्त्यांसोबत एकत्र काम करून आम्ही ही ई-क्रांती अधिक सुलभ करत आहोत.” – नेहा सिंघवी, प्रमुख, कॉर्पोरेट अफेअर्स, स्विगी “अनेक रायडर्सकडे स्वतःचे वाहन नसते. या भागीदारीमुळे त्यांना परवडणाऱ्या दरात ई-वाहन आणि बॅटरी स्वॅपिंगची सुविधा एकाच ठिकाणी मिळते, ज्यामुळे त्यांचा वेळ आणि पैसा दोन्ही वाचून दैनंदिन कमाई वाढते.” – वरुण अग्नी, सह-संस्थापक व CTO, बाऊन्स “ॲपद्वारे सोप्या पद्धतीत ई-वाहन भाड्याने मिळते आणि भाडे उत्पन्नातून वजा होते. पॉडवरच बॅटरी बदलण्याची सोय असल्याने वेळ वाचतो आणि दिवसाला अधिक डिलिव्हरी करून कमाई वाढवता येते.” – उमेश, ई-व्ही वापरणारे डिलिव्हरी भागीदार
Source link
ई-वाहनांचा वापर वाढवण्यासाठी स्विगीचा नवा पुढाकार:इन्स्टामार्ट पॉड्सवरच मिळणार भाड्याने ई-वाहने आणि बॅटरी स्वॅपिंग सोय
